Ռինոպլաստիկայից հետո հաճախորդների մեծ մասն ունենում է կողմնակի բարդություններ, ինչպիսիք են զգայունությունը, կարմրությունը, կապտուկները, այտուցը, արյունահոսությունն ու անհարմարավետության զգացողությունը։ Սրանք սպասելի երևույթներ են և պետք է նահանջեն վիրահատությունից հետո մի քանի շաբաթվա ընթացքում։ Որոշ կողմնակի բարդություններ, ինչպիսիք են քթի ծայրի ու վերին շրթունքի երկարատև թմրությունն ու այտուցվածությունը, կարող են տևել շատ ավելի երկար՝ մինչև 1 կամ 2 տարի։
Կրկնակի ռինոպլաստիկան էսթետիկ վիրաբուժության ամենաբարդ ոլորտներից է։ Այն իրականացվում է երկու ձևով: Առաջին դեպքում փոքրիկ «անդրադարձ» է կատարվում նախկին արդյունքին։ Այսինքն՝ հնարավոր է՝ հաճախորդը գոհ է քթի ընդհանուր տեսքից, սակայն ցանկանում է կատարել որոշ շտկումներ ( քթի մեջքին մնացած փոքր սապատ, կամ քթի ծայրի նրբացում)։ Երկրորդային ռինոպլաստիկան այս դեպքում քիչ ծավալով միջամտություն է պահանջում։ Երկրորդային ռինոպլաստիկայի երկրորդ տարբերակի դեպքում կատարելագործվում է արդեն իսկ վիրահատված քիթը։
Քիթը դեմքի ամենակարևոր հատվածներից է, և դրա ձևի կամ չափի աննշան անհամաչափությունն անգամ կարող է խանգարել նկատելու Ձեր դեմքի մյուս գեղեցիկ գծերը։ Այսօր քթի կոսմետիկ և ֆունկցիոնալ փոփոխությունը դարձել է հասանելի և անվտանգ՝ շնորհիվ ժամանակակից բժշկության։
«Արզնի էսթետիկա» պլաստիկ վիրահատության կլինիկան առաջարկում է բարձրակարգ ծառայություններ նրանց համար, ովքեր ձգտում են ունենալ դեմքին համապատասխան ներդաշնակ և գեղեցիկ քիթ։
