Սեպտոպլաստիկա
Քթի միջնապատի վիրահատություն եվ առողջ շնչառություն
Քթի միջնապատի թեքվածությունը ոչ միայն էսթետիկ խնդիր է, այլև առողջական լուրջ բարդությունների պատճառ։ Հենց սա է պատճառը, որ սեպտոպլաստիկան համարվում է ժամանակակից վիրաբուժության ամենապահանջված միջամտություններից մեկը։ «Արզնի էսթետիկա» պլաստիկ վիրահատության կլինիկայում մենք առաջնորդվում ենք պացիենտի կյանքի որակը բարելավելու սկզբունքով՝ վերականգնելով լիարժեք շնչառությունն ու դեմքի ներդաշնակությունը։
Ամրագրել խորհրդատվություն
Ինչո՞վ է կարևոր սեպտոպլաստիկան
Ի տարբերություն ռինոպլաստիկայի, որն իրականացվում է էսթետիկ նկատառումներով, սեպտոպլաստիկան ունի բացառապես բուժական նպատակ։ Քթի միջնապատի շտկման շնորհիվ հնարավոր է ազատվել մի շարք խրոնիկական հիվանդություններից, որոնք առաջանում են շնչառական ուղիների անցանելիության խախտման հետևանքով․
- Հայմորիտ և ֆրոնտիտ (ճակատաբորբ)
- Ռինիտ և տոնզիլիտ
- Օտիտ (ականջաբորբ) և լարինգիտ (կոկորդաբորբ)
Շատ դեպքերում միայն վիրահատական միջամտությունն է այն միակ և արդյունավետ միջոցը, որը թույլ է տալիս ընդմիշտ մոռանալ այս խնդիրների մասին։
Ինչպես կտրվածք պահանջող ցանկացած վիրահատական միջամտության, այնպես էլ ռինոպլաստիկայի դեպքում կա նաև վարակների հավանականություն՝ չնայած այս դեպքում ռիսկը 1%-ից էլ պակաս է: Վարակի նշաններն են քթի զգալի այտուցվածությունը, ջերմությունը, կարմրությունը և քթի ցավը։ Դա հազվադեպ է պատահում չծխողների մոտ և առավել բնորոշ է ծխողներին:
Թեքվածության պատճառները և ախտանիշները
Քթի միջնապատի դեֆորմացիան կարող է լինել ինչպես բնածին, այնպես էլ ձեռքբերովի։ Հիմնական գործոններն են․
- Ժառանգականություն և աճի առանձնահատկություններ. Աճառային և ոսկրային հյուսվածքների անհամաչափ աճը։
- Տրավմաներ. Ֆիզիկական հարվածների հետևանքով առաջացած շեղումներ։
- Բնածին խնդիրներ. Օրինակ՝ ծննդաբերության ժամանակ ստացված հոդախախտումները։
Ե՞րբ է անհրաժեշտ դիմել մասնագետի.
- Եթե քթով շնչելը դժվարացած է կամ անհնար,
- Առկա է քթի տեսանելի դեֆորմացիա,
- Տառապում եք քիթ-կոկորդ-ականջ խրոնիկ հիվանդություններով,
- Ունեք լորձաթաղանթի մշտական չորություն կամ ալերգիկ հարբուխ։
Ժամանակակից վիրահատական մեթոդները
«Արզնի էսթետիկա» կլինիկայի փորձառու մասնագետները կիրառում են միջնապատի շտկման առավել արդյունավետ մեթոդները․
- Դասական մեթոդ. Կատարվում է վիրաբուժական կտրվածք քթի ներքին մակերեսին (բաց կամ փակ եղանակով)։
- Էնդոսկոպիկ սեպտոպլաստիկա. Փոքրիկ տեսախցիկի և հատուկ ապարատների կիրառումը թույլ է տալիս վերացնել բարդ ոսկրային և աճառային դեֆեկտները՝ ապահովելով կարճատև վերականգնման փուլ։
- Լազերային մեթոդ. Կիրառվում է բացառապես աճառային հյուսվածքի շտկման համար (առանց ոսկրային միջամտության)։
- Ռադիոալիքային մեթոդ. Ժամանակակից մոտեցում, որը թույլ է տալիս արդյունավետորեն աշխատել թե՛ աճառային, թե՛ ոսկրային հյուսվածքների հետ։
Հակացուցումներ
Ինչպես յուրաքանչյուր վիրահատական միջամտություն, սեպտոպլաստիկան նույնպես ունի որոշակի սահմանափակումներ․
- Նորագոյացությունների առկայություն,
- Սուր վարակիչ հիվանդություններ,
- Շաքարային դիաբետ և ծանր հիպերտոնիա։
Մասնագիտական խորհուրդ
Եթե Դուք ունեք և՛ շնչառական, և՛ էսթետիկ խնդիրներ, «Արզնի էսթետիկա» կլինիկայում հնարավոր է իրականացնել համակցված վիրահատություն՝ ռինոսեպտոպլաստիկա, որը մեկ միջամտությամբ կլուծի երկու հարցը։
Մանրամասն տեղեկությունների եվ խորհրդատվության համար
Այցելեք մեր կլինիկա կամ զանգահարեք (010)205990 հեռախոսահամարով։ Մեր մասնագետները պատրաստ են օգնել Ձեզ վերականգնել լիարժեք առողջությունն ու հարմարավետությունը։